مہناز عطا چوہدری گورنر پنجاب محمد سروراور وفاقی وزیر برائے اطلاعات و نشریات جناب پرویز رشید کے ہمراہ انسانی حقوق کے حوالہ سے منعقدہ ایک سیمنار میں شریک ہیں

مسلم لیگ ن جمہوریت کو ڈی ریل نہیں ہونے دے گی

خوشاب(میڈیا سنٹر سے)پاکستان مسلم لیگ ن پارلیمان میں واضع اکثریت کے باوجود انتخابات کے ذریعے منتخب ہوکر آنے والی جماعتوں کے مینڈیٹ کا احترام کرتی ہے یہی وجہ ہے کہ جب کچھ عناصر وطن عزیز سے جمہوریت کو ڈی ریل کرنے کے درپے ہیں تمام سیاسی جماعتیں میاں محمد نواز شریف کی قیادت میں جمہوریت کے دفاع کے لئے سیسہ پلائی ہوئی دیوار کی طرح کھڑی ہوگئی ہیں ، ان خیالات کا اظہار پاکستان مسلم لیگ ن ضلع خوشاب خواتین ونگ کی صدر مہناز عطا چوہدری نے اپنی رہائش گاہ پر میڈیا کے نمائندوںسے بات چیت کے دوران کیا ۔ مہناز عطا چوہدری نے کہاکہ کچھ لوگ ابھی صدیوں پرانے نظام میں زندہ ہیں اور غیر جمہوری طریقے سے حکومت پر قبضہ کرنے کی خواہش رکھتے ہیں ان لوگوں کو چاہیے کہ وہ جمہوری میدان میں آئیںاور عوامی نمائندگی کا درست اور آئینی طریقہ اختیار کریں ، اس موقع پر انھوں نے ضلع خوشاب کی معروف سیاسی و سماجی شخصیت ملک افضل ڈھوکڑی کی وفات پر اظہار افسوس کرتے ہوئے کہا کہ مرحوم کی ضلع بھر میں مسلم لیگ ن کے لئے خدمات کو کبھی فراموش نہیں کیا جاسکتا۔              ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔